Corpus of Electronic Texts Edition
Annals of Ulster otherwise Annala Senait, Annals of Senat (Author: [unknown])

Year U1403

U1403.0

{fol. A 81c} Kal. Ian. ii. f., l. u., Anno Domini M. cccc. iii.

U1403.1

Cogadh mor eter Iarla Urmuman & Iarla Desmuman isin bliadhain-si & da mac Uilliam Burc cona coimtinol do thecht do chungnum le h-Iarla Urmuman.

U1403.2

Fergal, mac Aedha h-Ui Ruairc, .i. mac righ Breifne


p.50

& adbur righ Breifne — .i. fer beodha, deigh-einígh — do marbadh 'na tigh fein do clainn Mic Caba cona muinntir: .i. caicidhis ria Casc do-ronadh an gnim-sin.

U1403.3

Muircertach, mac Donnchadha h-Ui Dubhda, do ég 'sa Samradh-sa.

U1403.4

Niall Og h-Ua Neill, aird-righ Uladh & fer crodha, cumachtach, .i. fer do shaileadur damha & deoraigh Erenn do ghabail righi Erenn ar crodhacht a lamh & ar uaisli a fhola, .i. fuil Neill Noighialláigh & ingine righ Saxan & ar febhus a {fol. B 78a} einígh fos, a eg isin Foghmur iar m-buaidh ongtha & aithrighi. Brian, mac Neill h-Ui Neill, .i. adbur righ Coigidh Uladh, d'eg in bliadhain cetna.

U1403.5

Pilib, mac Briain Moir Meg Mathgamna, .i. aird-righ Oirgiall, do eg in bliadhain-si & Ardghal Mag Mhathgamna do rigadh ina inadh.

U1403.6

Mac Cinaith an Triucha do marbadh da brathair fein i feall.

U1403.7

Cu Connacht, mac Maghnusa h-Ui Raighilligh, d'ég.

U1403.8

Mac Raith, mac Maghnusa, mortuus est pridie Idus Marcii.