Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1399

U1399.0

Kal. Ian. iiii. f.,l. xx. i., Anno Domini M. ccc. xc. ix.

U1399.1

Ri Saxan do thecht a n-Erinn an bliadhain-si.

U1399.2

Indsoighidh do dhenum le h-Ua Concobuir Ruadh & le Mac n-Diarmata ar Clainn Donnchaidh Tire h-Oilella & a n-dula co Mag Tuiredh. Crecha mora do dhenum doibh andsin. Clann Donnchaidh do breith orra & Muircertach, mac Domnaill h-Ui Concobuir & maidm mor do thabairt forro (.i. for h-Ua Concobuir) andsin & Somairle Buidhe Mac Domnaill do marbadh ann cona muinntir.

U1399.3

Iarla Desmuman do bathudh, .i. Seoan Iarla, isin Siuir.

U1399.4

Tomas, mac Cathail h-Ui Ferghail, do marbadh 'na baile fein le Gallaibh & le Barun Dealgna (no, Delbhna) & araile.

U1399.5

Cathal, mac Ruaidhri Meg Uidhir, do marbadh la h-Eogan, mac Neill Oig h-Ui Neill, in bliadain-si, duodecimo Kalendas Augusti.