Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1395

U1395.0

Kal. Ian. ui. f., l. uii., Anno Domini M. ccc. xc. u.

U1395.1

Pilib Mag Uidhir (.i. Pilib na Tuaigi) do eg in bliadhain-si: .i. ri Fer Manach (re h-en bliadhain deg ar fichid), .i. fer einigh & eghnuma & cosanta a

p.30

U1395.2

h-Ua Maile Duin Luirg, .i. Domnall, do ghabail do clainn Airt Meg Uidhir a feall a Termonn Dabeoig & a thoitim isin laimdeochus-sin leo.

U1395.3

An Gilla Dubh Mag Uidhir, .i. Tomas, mac Pilib Meg Uidir, do ghabail righi Fer Manach an bliadhain-si.

U1395.4

Concobur Ruadh, mac AedhaRuaidh Meg Uidhir, do ghabail leisin n-Gilla n-Dubh Mag Uidhir & le h-Aedh Mag Uidhir, .i. derbrathair in Gilla Duibh. Concobur Ruadh d'elogh uatha in bliadhain cetna.

U1395.5

Domnall, mac Muircertaigh h-Ui Concobuir, .i. tigerna Sligigh & Ichtair {fol. B 76c} Connacht uile, d'eg in bliadhain-si a caislen Sligigh, .i. sechtmain ria Nodluig, iar m-buaidh ongtha & aithrighe.

U1395.6

Cablaigh Mor (.i. Port na Tri Namat), ingen Cathail h-Ui Conchobuir, .i. ingen righ Connacht

.i. ben toictheach, tromconaigh h-i, do bi ag feraibh uaisli, .i. Niall h-Ua Domnaill, rí Tire Conaill & Aedh h-Ua Ruairc, ri Breifne & Cathal, mac Aedha Breifnigh h-Ui Concobuir, ridamna Connacht & fir aili nach airmhither sunn — a h-eg in bliadhain-si, ar m-buaidh n-aithrighi & a h-adhlacudh a Mainistir na Búille.

p.32

U1395.7

{fol. A 80b}Una, ingen Taidhg h-Ui Conchobuir, .i. ben Aedha Meg Uidhir, do eg in bliadhain-si.

U1395.8

Seaan, mac Airt Meg Uidhir, do marbadh in bliadhain-si ar Finntracht Droma Bairr decimo nono Kalendas Septembris.

U1395.9

Pilip, mac an Gilla Duibh Meg Uidhir, natus est hoc anno.