Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1393

U1393.0

Kal. Ian. iiii., f., l. x.u., Anno Domini M. ccc.xc.iii.

U1393.1

Aedh, mac Conchobuir Mic Diarmata, ri Muighi Lúirg, d'eg & Cathal, a mac, do bathadh ag Inis Daighre for Loch Ce.

U1393.2

Emonn Mag Raghnaill, .i. adbur ard-taísigh Muinntiri h-Eoluis, d'eg.

U1393.3

Indsaighidh do dhenum do clainn Mic Diarmata ar Mac Diarmata Og & troid do thabairt doibh da cheile & Domnall Dubh Mac Diarmata do marbadh ann & Concobur Mac Diarmata do ghabail ann & Ruaidhri Dub Mac Diarmata do gabail ann & Ferghal, mac Donnchadha Riabaigh & a cur a caislen Baile in Tobair & a elogh ass in bliadhain cetna.

U1393.4

Aedh Mac Aedha, .i. saer, d'h-eg.

U1393.5

Matha h-Ua h-Eogain, .i. caipellan Innsi Cain, d'h-eg in bliadhain-si quinto Idus Octobris.

U1393.6

Brian, mac Mhailechlainn h-Ui Cheallaigh, .i. adhbur righ h-Ua Maine, d'eg.

U1393.7

Ferghal Mag Shamradhain, .i. taísech Teallaigh Eathach, .i. sai coitcenn do chliaraibh & do dhamaibh Erenn, a dul d'eg eter Caisc & Bealltaine in bliadhain-si. & fa {fol. B 76b}

p.28

U1393.8

Raghnailt, ingen Aedha, mic Feidhlimthe h-Ui Conchobuir, .i. sai mna, d'eg in bliadhain-si.

U1393.9

Edain, ingen Cathail Óig Ui Conchobair, ben Briain, mic Mailechlainn h-Ui Chellaigh, d'eg in bliadhain-si.

U1393.10

Domnall & Emonn, .i. da mac Mailechlainn h-Ui Ceallaigh, d'eg in bliadhain-si, .i. righ h-Ua Maine.