Corpus of Electronic Texts Edition
Annals of Ulster otherwise Annala Senait, Annals of Senat (Author: [unknown])

Year U1388

U1388.0

Kal. Ian. iiii. f., l. xx., Anno Domini M. ccc. lxxx. uiii.

U1388.1

Domnall h-Ua Concobuir do dhul ar Macaire Connacht & Ard in Caillin & Innsi Locha Caircin


p.20

do loscadh leis. & Domnall Óg, mac Mic Domnaill, do marbadh don toisc-sin.

U1388.2

Clann h-Ui Cuirnin do marbadh do Ghallaibh Cundae Osraidhe, .i. Sigraidh & Cairpri & Gilla Padraig, meic Adaimh. Esbaidh mor don eladhain in bas-sin Sigraidh.

U1388.3

Crecha fill do denamh la h-Ua Concobuir Ruadh & la Mac n-Diarmata ar h-Ua Concobair n-Donn. Mac Donnchaidh Thire h-Oilella do dhul uime sin, sluagh mor, a coínne h-Ui Concobuir Dúinn co Magh Luirg & Magh Luirg do loscadh leo, eter tighibh & arbur, don turus-sin. Cormac Mac Donnchaidh do marbadh la Mac Diarmata & le clainn mic Fheidhlimithe h-Ui Conchobuir/, .i. in t-en mac righ rob' ferr einech & eghnum do bi ina aimsir.

U1388.4

Muircertach {fol. B 75c} Bacach, mac Domnaill, mic Muircertaigh h-Ui Concobuir, do dul a faslongport Mic Donnchaidh fa fhaslongport h-Ui Domnaill a Mainistir Esa Ruaidh. Daine imda do marbadh leo fa clainn h-Ui Baighill cona braithribh. Mac Suibhne & a mac do ghabail ann don turus-sin.