Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1386

U1386.0

{fol. B 75b} Kal. Ian. ii. f., l. xx. uii., Anno Domini M. ccc. lxxx. ui.

U1386.1

Sluagh mor la Domnall, mac Muircertaigh h-Ui Concobuir, a crich Mic Baitin & a mílliudh uile leo. Ocus Mac Roiberd Duinn Domnainn do marbadh ann & moran aile nach airmither sunn.

U1386.2

Aine, ingen Mic Donnchaidh, d'eg, .i. ben h-Ui Ruairc, sai mna.

U1386.3

Niall Mag Eochagain do marbadh do mac Uilliam Dalatun, .i. adbur taisigh Cenel Fhiachaigh.

U1386.4

Eirimon h-Ua Mailechlainn do marbadh do Dalatunachaibh & do Mag Amhalghadha.

U1386.5

Domnall Mag Cochlain, .i. ri Delbna, do ég.

U1386.6

Maidm le Mac Murchadha, .i. ri Laighen, ar Gallaibh Osraighi, dú i torchair moran do Ghallaibh.

U1386.7

Fíngin, mac Ruaidhri Meg Eochagain & Donnchadh, mac an t-shacairt Megdem,do marbadh.

U1386.8

Concobur, mac Taidhg h-Ui Briain, do marbadh ar cagadh Clainni Uilliam.

U1386.9

Caislen Milís Dalatun do ghabail do clainn Concobuir, mic Cathail

p.18

U1386.10

Clann Sheaain h-Ui Ferghail & Dalatún do dhenum pairti cogaidh a n-aghaidh clainni Murchadha h-Ui Ferghail. Longport h-Ui Ferghail d'innsaighidh do Clainn t-Sheaain & ingin Mic Uilliam do ghabail ann, .i. ben h-Ui Ferghail.

U1386.11

Raghnall Mac Con Uisgi d'eg.