Corpus of Electronic Texts Edition
Annals of Ulster otherwise Annala Senait, Annals of Senat (Author: [unknown])

Year U1385

U1385.0

Kal. Ian. i. f., l. xui., Anno Domini M. ccc. lxxx. u.

U1385.1

Daibith, mac Emaind, mic Hoiberd, do ghabail la h-Aedh h-Ua Concobair.

U1385.2

Magh Lúirg do loscadh la Clainn Donnchaidh & la h-Ua Ruairc in bliadhain-si.

U1385.3

Concobur Óg, {fol. A 79a} mac Donnchadha Mic Diarmata, do ghabail ar cin aidhche do-rinni fein ar Clainn Donnchaidh & Cathal Cairbrech Mac Donnchaidh do marbadh la Concobur.

U1385.4

Crecha mora la Clainn Donnchaidh a Cera. Clann Cathail Oig Ui Concobuir do breith orra & Sdondunaigh & moran aile leo. A creacha do marbadh doibh & a cur fein a Cill Conduibh.

U1385.5

Maidm la h-Ua Conchobuir Failghi ar Ghallaibh in bliadhain-si, .i. la Murchadh h-Ua Concobhuir & Seirriam na Midhe do marbadh ann et alii multi.

U1385.6

Gilla Crist Mac Gilla Fhinnen, taisech Muinntire Peodachain, obiit pridie Kalendas Iuini.

U1385.7

Tomas

p.16

h-Ua Corcrain, .i. mac in Espuic h-Ui Corcrain, noiteir coitchenn o udaras Imper, obiit Nonis Nouimbris.

U1385.8

Donn Mag Uidir, mac in righ, .i. mac Flaithbertaigh, d'eg Kalendis Iuili.