Corpus of Electronic Texts Edition
Annals of Ulster otherwise Annala Senait, Annals of Senat (Author: [unknown])

Year U1384

U1384.0

Kal. Ian. ui. f., l. u. Anno Domini M. ccc. lxxx. iiii.

U1384.1

Pilib h-Ua Raghallaigh (.i. mac Gilla Isa Ruaidh h-Ui Raigillaig, ri Breifne) do eg.

U1384.2

Uilliam, mac Sar Emaind A Burc, d'ec.

U1384.3

Mailir, mac Mic Uilliam, do marbadh d'escur.

U1384.4

Oirechtus do ghabail do h-Ua Flaithbertaigh & do h-Ua Maille re ceile & Eogan h-Ua Maille & Cormac Cruinn do marbadh ann.

U1384.5

Nert mor do ghabail do h-Ua Neill ar Gallaibh in bliadhain-si.

U1384.6

Diarmait, mac Mailechlainn Meg Raghnaill, taisech Muinntire h-Eoluis, do marbadh do clainn Raghnaill Meg Raghnaill i feall.

U1384.7

Ruaidhri h-Ua Mail Muaidh, .i. ri Fer Cell, d'éc.

U1384.8

Muircertach, mac Muircertaigh h-Ui Concobuir, ri h-Ua Failghi, d'ec.

U1384.9

Ruaidhri, mac Toirrdelbaigh, mic Aedha, mic Eoghain h-Ui Concobuir, .i. aird-righ Connacht ar einech & ar eghnum & ar deilb, d'eg. & da h-Ua Concobuir do dhenum i Connachtaibh

p.14

ina diaigh in bliadhain-si: .i. Toirrdelbach Óg, mac Aedha, mic Toirrdelbaigh, mic Aedha, mic Eogain & Toirrdelbach Ruadh, mac Aedha, mic Feidhlimthe, mic Aedha, mic Eogain.

U1384.10

Lucia, ingen h-Ui Taichligh, ben Muiris Meg Raith, .i. comarba Termuinn Dabeog, d'ég.

U1384.11

Ioseph (no Oisep) Mag Sgoloigi mortuus est.

U1384.12

Maighister Seoan Mac Gille Coisgli, aircinnech & persun Airigh Brosga, leghtoir sollumanta gacha dlighidh & co h-airighe an dlighid canonta, mortuus est decimo Kalendas Iulii.

U1384.13

(Losgadh Chairge Ferghusa le Níall h-Ua Neill hoc anno, a uighil na Casg.)