Corpus of Electronic Texts Edition
Annals of Ulster otherwise Annala Senait, Annals of Senat (Author: [unknown])

Year U1383

U1383.0

Kal. Ian. u. f., l. xx.iiii., Anno Domini M. ccc. lxxx. iii.

U1383.1

Ruaidhri, mac Airt Meg Uidhir, do marbadh la mac Donnchadha Meg Uidhir (.i. la Domnall, mac Donnchadha Docair, quinto Kalendas Ianuarii).

U1383.2

Finnguala, ingen Airt Meg Uidhir, obiit.

U1383.3

Tadhg Mac Donnchaid, rí Tire h-Oilella, d'eg, .i. Aine in Cesta.

U1383.4

Diarmait, mac Concobuir Mic Diarmata, .i. adbur righ Muighi Luirg, d'eg.

U1383.5

Seaan, mac Domnaill h-Ui Ferghail, .i. taisech na h-Angaile, d'eg.

U1383.6

Epscop h-Ua Mochain do eg an bliadhain-si, 1383.

U1383.7

{fol. B 75a}Sluaighedh mór {fol. A 78d} la Niall h-Ua Neill cona clainn & co maithibh in Coicidh uime. An Tuaiscert uile do mhilliudh & do loscadh & do creachadh leo. Aedh Og h-Ua Neill & Raibilin Sabais do tegmail da cheile ar imruagadh & da buille da craiseachaibh do thabairt ar a ceile doibh. Raibilin do dhul beoloiti da thigh & mac Eoin Bised da athmarbadh & Aedh Óg do testail aco ar tres trath iardain & araile. Seinicin Finn, .i. mac Eoin Bised, do marbadh do


p.12

muinntir Raibilin i n-oirechtus in t-Shabhaisigh.

U1383.8

Muircertach h-Ua Flannacain, taisech Tuaithi Ratha & Maghnus, mac Dauith & Cormac, mac Airt Meg Uidhir & Seaan, mac Gaffraigh, brathair abbad Lesa Gabail, arna marbadh Nonis Aprilis.

U1383.9

Murchadh h-Ua Briain d'eg in bliadhain-si, .i. Anno Domini 1383.

U1383.10

(Iohannes de Lygnano obiit hoc anno, die 16 mensis Februarii et sepultus est in ecclesia Sancti Dominici in Bononia.)