Corpus of Electronic Texts Edition
Annals of Ulster otherwise Annala Senait, Annals of Senat (Author: [unknown])

Year U1382

U1382.0

Kal. Ian. iiii. f., l. x.iii., Anno Domini M. ccc. lxxx. ii.

U1382.1

Labras Diuid do marbadh do clainn h-Ui Ferghail.

U1382.2

Ferghal, mac Donnchadha Meg Eochagain, taisech Cenel Fiachaigh Mic Neill, do marbadh do Feraib Ceall.

U1382.3

Taisigh Connacht do ghabail do righ Connacht ina oirechtus fein, .i. do Ruaidhri h-Ua Conchobuir: .i. h-Ua h-Ainlidhe & h-Ua Birn & Mac Ceithernaigh & Imur h-Ua h-Ainlidhe: .i. fis fuair sé orru, co rabadur ag denum raínn & comaenta ina adhaigh le slicht mic Feidhlimthe h-Ui Concobuir.

U1382.4

Mac Ualann do marbadh la Muínntir Raghallaigh & araile.

U1382.5

Diarmait h-Ua Domnaill d'eg, .i. adbur righ Thire Conaill.

U1382.6

Rughraidhe, mac Seaain, mic Briain h-Ui Ferghail, d'eg.

U1382.7

Muircertach, mac Mathgamna h-Ui Briain, .i. mac righ Tuadhmuman, d'eg a prisun & Domnall, a derbrathair, d'eg fós.

U1382.8

Toirrdelbach, mac Diarmata h-Ui Briain, d'eg.

U1382.9

Brian, mac Diarmata h-Ui Briain, do clainn Briain Ruaidh, d'eg.

U1382.10

Aine, ingen Echmarcaigh, mic

p.10

Magnusa, .i. airdbiatach & cenn fine a cinidh fein, ben in Maighistir Moir h-Ui Eogain, .i. Matha, mac Concobuir h-Ui Eogain (.i. in aircidheochain, & do bi in Matha-sin ceithri bliadhna deg i n-Oxanphort co contineidech ag denum leighinn), a h-eg in bliadhain-si, pridie Nonas Seibtimbris.

U1382.11

Bean Midhe, ingen Mic Maghnusa, .i. in Caillech Dubh, d'eg Nonis Marcii.