Corpus of Electronic Texts Edition
Annals of Ulster otherwise Annala Senait, Annals of Senat (Author: [unknown])

Year U1381

1381.0

Kal. Ian. iii. f., l. ii., Anno Domini M. ccc. lxxx. i.

U1381.1

Toirrdelbach, mac Risderd h-Ui Raighillaigh, d'eg.

U1381.2

Dubchablaigh, ingen Mic Diarmata, ben Meg Raghnaill Ruaidh, d'eg.

U1381.3

Lasairfina, ingen Toirrdelbaigh h-Ui Concobuir, ben Meg Raghnaill Duibh, d'eg.

U1381.4

Cathal Dubh, mac Con Muidhe h-Ui Cathain, d'eg.

U1381.5

Uilliam, mac Donnchadha Muimnigh h-Ui Cheallaigh, .i. ri h-Ua Maine, d'eg & a mac do righadh ina inad, .i. Mailechlainn.

U1381.6

Diarmait Mag Carrthaigh, .i. adbur righ Desmuman do marbadh do Ibh Mathgamna in Fhuinn Iartharaigh a fheall.

U1381.7

Caislen Atha Luain do ghabail don Moirtimerach & mac Ricaird an t-Sonnaigh do marbadh ann.

U1381.8

Ruaidhri h-Ua Concobuir, .i. ri Connacht, do dhul co h-Ath Luain & a meic righ do dhul uadh a n-Iarthar Midhe & crecha mora do gabail doib. Gaill do breith orro & maidm do thabairt orra & mac Ui Conchobuir do marbadh ann, .i. Seaan Laighnech & Aedh Caech h-Ua Concobuir do ghabail ann & Uilliam, mac Donncadha, mic Ruaidhri h-Ui Ceallaigh, do marbadh ann & moran aile nach airmither sunn.

U1381.9

Raghnailt, ingen Meg Bradaigh, .i. ben Meg Dhorchaidh, d'eg.

U1381.10

Sluagh mor la Niall h-Ua Neill a


p.8

n-Oirghiallaibh & creacha mora do denum doibh. & breisim {fol. A 78c} do thabairt ar deredh an t-sluaigh & Donnchadh, mac Maghnusa Meg Mhathgamna, do marbadh ann.

U1381.11

Delbh Muire Celle Moire a Tir Briuin do labairt co h-ingantach an bliadhain-si.

U1381.12

An Moirtimerach d'eg, .i. an dara bliadhain ar techt a n-Erinn dó & tar eis fhill Meg Aengusa do dhenum do.

U1381.13

Cathal, mac Ruaidri h-Ui Concobuir, .i. mac aird-righ Connacht, do ghabail le clainn mic Fheidhlimthe h-Ui Concobhuir, an bliadhain-si.