Corpus of Electronic Texts Edition

Annals of Ulster otherwise Annala Senait, Annals of Senat (Author: [unknown])

Year U1380

U1380.0

Kal Ian. i.f., l. xxi., Anno Domini M. ccc. lxxx.

U1380.1

Seaan h-Ua Domnaill ri Tiri Conaill & Mail Sechlainn Dubh, a mac, do marbadh a Mainistir Esa Ruaidh la Toirrdelbach, mac Neill h-Ui Domnaill & la clainn Cathail Oig h-Ui Concobuir & la Muinntir Duirnin.

U1380.2

Maidm mor do thabairt ar Gallaibh & ar Oirrteraibh le Mag Aengusa (.i. Art). & h-Ua h-Anluain do marbadh ann, .i. ri Oirrter et alii multi.

U1380.3

Tadhg, mac Muircertaigh h-Ui Briain, do marbadh la Brian h-Ua m-Briain.

U1380.4

Ruaidhri, mac Aedha Breifnigh h-Ui Concobuir, do thecht as greis ar Muinntir Ruairc & e fein do marbadh uírre.

U1380.5

An Moirtimerach do thecht a n-Erinn in bliadhain-si & uaisli Gaidhel do techt ina thech fa adhbur righ Erenn, .i. fa Ni[acute ]all h-Ua Neill. Art Mag Aengusa, .i. ri O n-Eathac Uladh, do gabail a feall a tigh in Moirtimeraigh & do ghabadur Gaidhil Erenn ecla {fol. A 78b} roime o sin amach, indus gur' sechnadur e & Gaill Erenn archeana.

U1380.6

Art, mac Gérailt Caemanaigh, do marbadh le Gallaibh.

U1380.7

Maidm do thabairt leis h-Ua n-Domnaill & le Henri h-Ua Neill ar h-Ua n-Dochartaigh & ar Conchobur Óg h-Ua n-Domnaill & ar Clainn t-Suibhne. & do gabadh ann, maille re' r' marbadh, Eoin Mac Suibne & Murchadh Mac Suibne, .i. da brathair Mic Suibne.

U1380.8

Art, mac Gerailt, mic Tomais Fhinn, do marbadh la Mac Murchadha, ri Laighen.

U1380.9

Sluagh

p.6

U1380.10

Art Mac Murchadha d'éc i sext Kallann Iuni.

U1380.11

Domnall h-Ua Leannan, prioir Lesa Gabail, d'eg i sext Kallann Aprilis.