Kal. Ian. uii. f., l. x., Anno Domini M. ccc. lxx. ix.
In Dalatunach (.i. Pilib) d'eg.
Firbisigh Mac Firbisigh d'eg in bliadhain-si, .i. senchai maith.
O Duinn, .i. taisech O Riagan, do marbadh a fell da braithribh fein.
Ricard Mac Cathmail do marbadh la Pilib Mag Uidhir, .i. rí Fer Manach & la Domnall h-Ua Neill.
Maidm na Dreiche do tabairt do h-Ua Neill (.i. do Niall Mhor) ar Pilib Mag Uidhir & ar Domnall h-Ua Neill, du i trochair Tadhg Mag Uidhir & da mac Maghnusa & Toirrdhelbach, mac Donnchada Meg Uidhir & Brian, mac Mic Raith Meg Uidir & Muircertach, mac Milchon et alii, pridie Kalendas Iuni.
h-Ua h-Eilidhe d'eg, .i. Brian h-Ua h-Eilidhe.
Mac in Caich h-Ui Raighillaigh do marbadh la mac Annaidh h-Ui Raighillaigh.
Cu Mara Mac Conmara, .i. taisech Clainne Cuilen, do marbadh a feall da braithribh fein.
Cu Chonnacht, mac Pilib Meg Uidhir, do marbadh le Clainn Domnaill Clainni Ceallaigh, .i. adbur righ Fer Manach ar uaisli & ar einech.
Finnghuala, ingein Ui Cheallaigh, .i. bean Mic Uilliam Burc, d'eg.
Semus h-Ua Conghalaigh, prior Daiminnsi, obiit pridie Nonas Ianuarii.
Flaithbertach h-Ua Mongan, aircinnech Rosa Oirrtir, mortuus est Kalendis Maii.