[Cogadh mor in bliadhain-si eter Mag Mathgamna, .i. Remann, mac Rughraidhi & clainn Aedha Ruaidh Meg Mathgamna. Imirci neirt do dhenum do clainn Aedha Ruaidh a Fern Mhuighi & sluagh Gall do thecht ina n-aircis. Ocus Mag Mathgamna do techt astech fa Eoganaigh & a dhul amach aris i Fern Mhuigh & clann Aedha do dhul ar Galltacht. Mag Mathgamna do dhul ar sibhal ar Ghallaibh & clann Aedha Ruaidh & Goill Machaire Oirghiall do breith orra. Ocus maidm mor do thabairt ar Mag Mhathgamna & h-e fein do ghabhail ann & Brian, mac Rughraidhe Mheg Mhathgamna, do ghabail ann & moran aile do ghabail & do marbadh and.]
R: Mag Mhathgamna do ghabail an bliadhain-si, .i. Remunn, mac Rugraidhe Meg Mathgamna, le clainn Aedha Ruaidh Meg Mathgamna & le Gallaibh Machaire Oirghiall. Ocus Brian, mac Rugraidhe Mheg Mhathgamna, do ghabail ann & moran aile do ghabail & do marbadh faru (no, maille riu).