[Pilib, mac Tomais Meg Uidhir, .i. adbur righ Fer Manach & a clann do dhul, sluagh mor, a m-Breifne h-Ui Ruairc. h-Ua Ruairc d'fhaghbail fhesa rompo & do cur a caeraidhecht a n-daingen. Pilib do dhul co baile h-Ui Ruairc & an baile do loscadh lais & an tír uile archena. Pilib & a shluagh do inntogh. O Ruairc do breith ar Philib & imruagadh do thabairt do. Ru{fol. A 92a}aig mhor do thabairt do chlainn Pilib an tan-sin ar h-Ua Ruairc, .i. ar Tigernan, mac Taidhg h-Ui Ruairc & mac Maghnusa Grumhaigh, mic Cathail Buidhir h-Ui Ruairc, do marbadh leo don turus-sin & moran aile nach airmiter sunn. Pilib do thoighecht dia tigh don turus-sin fo buaidh cosgair.]
R: Cogadh mor in bliadhain-si eter Pilib, mac Tomais Meg Uidir & h-Ua Ruairc, .i. Tigernan, mac Taidhg h-Ui Ruairc. & Pilib & a clann do dhul, sluagh mor, a m-Breifne h-Ui Ruairc & baile h-Ui Ruairc do loscadh leo & an tir arcena. O Ruairc do breith orra & imruagadh do beth etorra & ruaig mhor do thabairt d'h-Ua Ruairc & mac Maghnusa Grumhaigh, mic Cathail Buidhir h-Ui Ruairc, do marbadh ann & moran aile nach airmiter sunn. Pilib do thoighecht dia thigh fo buaidh cosgair don turus-sin.