Corpus of Electronic Texts Edition
Annala Uladh: Annals of Ulster otherwise Annala Senait, Annals of Senat (Author: [unknown])

Year U1350

U1350.0

Kal. Ian. iii. f., l. xxiii., Anno Domini M.ccc.l.1353

U1350.1

Gormlaith ingen Ui Domnaill, ben Ui Neill, quieuit in Christo.

U1350.2

Aedh mac Ruaidhri h-Uí Neill, d'eg.

U1350.3

Tadhg Mag Raghnaill, ardtaisech Muinnteri h-Eoluis, macamh taisech Erenn, do marbadh do clainn t-Sheffraigh Meg Raghnaill.

U1350.4

(Eoin h-Ua Cairbri, comorba Tigernaighi Cluain Eois, d'h-eg in bliadhain si Kalendis Februarii.)

Year U1351

U1351.0

Kal. Ian. iiii. f., l. iiii., Anno Domini M.ccc.l.i.1354

U1351.1

Brian h-Ua Dubhda, ri Tire Fiachrach, mortuus est.

U1351.2

Sitriug Mag Samradhan d'eg.

U1351.3

Derbhorgaill ingen Ui Concobuir, mortua est.

U1351.4

Tadhg Mac Senlaich d'eg.

U1351.5

Cathal mac Neill Ui Ruairc, d'eg.

U1351.6

Ruaidhri h-Ua Mordha, ri Laigheis, do marbadh d'a braithribh


p.498

fein & d'a lucht tighi.

U1351.7

Espuc Sil Muiredhaigh, idon, Maigister Seoan h-Ua Finechta, d'ec .

U1351.8

Fergal Mág Eochagan d'eg, idon, taisech Ceniuil Fiachaigh.

U1351.9

Espuc Connacht, h-Ua Lachtnan, quieuit in Christo.

U1351.10

Seffraigh Mag Raghnaill d'eg.

U1351.11

Seffraigh h-Ua Raighillaigh d'eg (nono die mensis Marcii).

U1351.12

Mac Murchadha do tharraing do Ghallaibh & cagadh mor eter Ghallaib & Gaidhelaibh trid sin.

U1351.13

Aedh Mag Samradhan d'eg d'a loitibh, ar n-a ghuin d'h-Ua Fhalan.

U1351.14

Ferghal Mag Eochagan, taisech Ceneoil Fiachaigh, d'ec.

U1351.15

Brian mac Aedha Moir h-Ui Neill, d'éc, sai coitchenn.

U1351.16

Ruaidhri mac Seoain Meg Mhathgamna, do marbadh i l-longport Meg Mathgamna.

U1351.17

Abb Sruthra, mac Cathail, d'eg: idon, Murchadh mac Cathail Ui Ferghail, d'eg.

U1351.18

(Pilib Mag Uidhir, taiseach Muintire Feodachan, d'h-ec i n-Noin Fheabhra.)

Year U1352

U1352.0

Kal. Ian. u. f., l. xu. Anno Domini M.ccc.l.ii.1355

U1352.1

Muiris mac Tomais (Iarla Des Muman), {MS folio/column 73va}Giustis na h-Erenn, d'eg.

U1352.2

Niall Mag Mathgamna do marbadh do clainn Seoain Meg Mhathgamna.

U1352.3

Domnall mac Seaain h-Ui Fergail, taisech Muinntire h-Angaile,


p.500

d'eg.

U1352.4

Concobur Mac Con Snama, espuc na Breifne o Druímcliabh co Cenannus, d'ég.

U1352.5

Diarmait O Mailmíadhaigh, taisech Muinntire Cerballan, do marbadh do Muinntir Birn & moran do Muinntir Eolais ar aen ris.

U1352.6

Prioir na Trinoide, Mac Gall Gaidhil, mortuus est.

U1352.7

Cathal O Cuind, taisech Muinntire Gillgan, do marbadh & coicer d'a braithribh do clainn Aedha & do clainn t-Seoain.

U1352.8

Adug Mac Uidhilín do marbadh d'Oirrtheraibh.

U1352.9

Cormac Mag Raghnaill, taisech Muinntire Eoluis, do marbadh do clainn Imair Meg Raighnaill & Conn mac Tomaltaigh, do marbadh ann.

U1352.10

Borgaill ingen Ui Fherghail, d'eg.

U1352.11 (col.1)

Donnchadh O Domnaill do marbadh (idon, le Donn Mac Murchadha i longport Aedha Ruaidh) ic tabhairt ingine Meg Uidir ar eigin leis, idon, (Gormlaith) ingen Aedha Ruaidh.

U1352.11 (col.2)

Donnchadh h-Ua Domnaill do marbadh ic tabairt inghine Meg Uidhir leis ar eigin, idon, ingen Aedha Ruaidh Meg Uidir (idon Gormlaith). Ocus le Donn Mac Murchadha do marbadh e i l-longport Meg Uidhir, & araile.

U1352.12

Tadhg Mac Aédhagan d'eg.

Year U1353

U1353.0

Kal. Ian. ui. f., l. xx.ui., Anno Domini M.ccc.l.iii.1356

U1353.1

Mor, ingen Ui Concobuir, ben Ui Ferghail, d'eg.

U1353.2

Ruaidhri mac Aedha Ui Concobuir, d'éc.


p.502

U1353.3

Muircertach mac Seaain mic Domnaill mic Briain h-Ui Neill, do marbadh (quinto Nonis Marcii) do Philib Mag Uidhir.

U1353.4

Diarmait mac Diarmata Meg Carrthaigh & a mac, Donnchadh, do marbadh do mac h-Ui Shuillebhan.

U1353.5

Giustis Atha Cliath d'eg.

U1353.6

Mac Fheórais do marbadh do Ghallaibh.

U1353.7

Toirrdhelbach mac Aedha h-Ui Conchobuir, do marbadh la Clainn Donnchaidh.

U1353.8

Aedh mac Toirrdelbaigh h-Ui Concobuir, ri Connacht, do marbadh do macaibh h-Ui Cheallaigh tre ed.

U1353.9

Dubghall Mac Suibne do marbadh la Domnall O Concobuir.

U1353.10

Donnchadh Mac Conmara do marbadh la Sil m-Briain.

U1353.11

Domnall mac Aedh Breifnígh, mortuus est.

U1353.12

Nicol Mac Cathusaigh, espuc Oirgiall, mortuus est (isin Foghmar) & Brian Mac Cathmail do thoghadh i n-a inadh.

U1353.13

Solamh h-Ua Mellan, maer Cluig in Udhachta, feichemh coitchenn, quieuit in Christo.

U1353.14

Donnchadh Proistech do marbadh do dhis d'a muinntir fein.

U1353.15

Gearoidin Tribel do tharraing do Saxanaibh ar faithchi Atha Cliath.

U1353.16

Feidhlim mac Aedha mic Domnaill h-Ui Domnaill, rí Tiri Conaill, do marbadh le mac a derbrathar fein, idon, Seaan mac Concobuir mic Aedha mic Domnaill h-Ui Domnaill, i cosnum rigi fris.

U1353.17

Murchadh mac Briain h-Ui {folio & column 73vb}Neill, d'eg.

U1353.18

Brian mac Maghnusa, mortuus est sexto Idus Aprilis.


p.504

Year U1354

U1354.0

Kal. Ian. i. f., l. uii., Anno Domini M.ccc.l.iiii.1357.

U1354.1

Maghnus (mac Eachadha) Mag Mhathgamna, ri Oirghiall, d'eg (isin Errach).

U1354.2

Lochlainn mac Muircertaigh h-Ui Concobuir, d'eg.

U1354.3

Seaan mac Briain h-Ui Raighillaigh, do marbadh do Ghallaibh.

U1354.4

Matha mac Tomais h-Ui Ruairc, cenn gaiscidh na Breifne d'eg.

U1354.5

Niall h-Ua Fairceallaigh do marbadh d'en urchur soighde le Cenel Luachain. Ocus da mairedh, ro bo comarba ar n-a mharach.

U1354.6

Fergal h-Ua Duibhgennan, ollam na Breifne re dan, d'eg.

    1. O Duibhgennan, tren a tres,
      A bronnadh nocho breigmes ;
      Calma re conadh a cnes,
      Adhbha ollamh is éiges.
    2. Fergal, fer dana nar'dhaer,
      Senchaidh muirnech is mac caem ;
      Cach soludh re thur 'n-a thech,
      Ollamh ur is oircinnech.

U1354.7

Sith coitcenn eter da Cathal, idon, Cathal mac Cathail & Cathal mac Aedha Breifnigh.

U1354.8

Donnsleibhe Mac Cerbaill, saer maighister na senma, d'éc, in t-aen duine rob' ferr re a ealadhain fein i n-Erinn.

U1354.9

Brian mac Gilla Crist Ui Ruairc, d'eg.

U1354.10

Maghnus Buide Mag Samraadhan do marbadh a Rút Mic Uidhilin le h-Aedh h-Ua Néill.

U1354.11

Clemint h-Ua Duibgennan (idon, sagart na Sinnach), bicair Cille Ronain, quieuit in Christo.

U1354.12

Mail Sechlainn Mac Domnaill, taisech Clainni Ceallaigh, d'ég.


p.506

Year U1355

U1355.0

Kal. Ian. ii. f., l. x.uiii., Anno Domini M.ccc.l.u.1358

U1355.1

Domnall h-Ua h-Eghra, ri Luighne, d'eg im Chaisc.

U1355.2

Maghnus Mag Uidhir (idon, mac Aedha Ruaidh) do marbadh (12 Kalendas Mai), do Clainn Cathmhail.

U1355.3

Concobur h-Ua h-Ainlidhe, taisech Ceniuil Dobtha, d'éc.

U1355.4

Maidm mor do thabairt d'Aedh h-Ua Neill ar Oirgiallaibh & ar Feraibh Manach. Aedh Mac Caba do marbadh ann & mac in espuic Ui Dubda & daine imda aili.

U1355.5

Maidm mor do thabairt do h-Ua Mordha ar Ghallaibh Atha Cliath & da fichit déc do marbadh dibh.

U1355.6

Cith mór do techt isin Samhradh sin a Cairbri & nír' lughu na fiadhubhall anabaidh gach aen mell dibh.

U1355.7

Brian Mac Cathmail, espuc Oirgiall, quieuit in Christo.

U1355.8

Seinícin Mac Uidhilin, adbur Constabla Coicidh Uladh, d'ec.

U1355.9

Mac Aindriu Mic Fheorais d'ec.

U1355.10

Toirrdelbach mac Aedha na Fidbaidhi h-Ui Neill, occisus est quinto Kalendas Iuini.

U1355.11

(Crecsluaighedh mor do denum do h-Ua Neill (idon, d'Aodh Mor, mac Toirdelbaig) i Tir Conaill, d'ar'comairmedh secht cata deg do bochrudh, a n-fhegmus caerach & gabar & muc & tri fichit groidh do ghroidhibh. Ocus a m-braighdi a n-diaig na creac, A.D. 1355.)


p.508

Year U1356

U1356.0

{MS folio/column 74ra}Kal. Ian. iii. f., l. xx.ix., Anno Domini M.ccc.l.ui.1359

U1356.1

Cormac Mag Carrthaigh, ri Des Muman, d'ec.

U1356.2

Domnall mac Taidhg Ui Mathghamhna, mortuus est.

U1356.3

Aedh mac Concobuir Mic Aedhagan, adbur suadh re breithemhnus, d'éc.

U1356.4

Maidm mor (Maidm Atha Seanaigh) do thabairt do Chathal Óg, mac Cathail Ui Concobhair, fa Ath Senaigh ar Conallchaibh (idon, ar Seaan mac Concobair h-Ui Domnaill &) Seaan h-Ua Dochartaigh, taisech Arda Mídhair & Eoghan Connachtach & Toirrdelbach Mac Suibhne do ghabail le mac Ui Concobuir. Matha Mag Samradhan, adbur taisigh Tellcha Eachach, do lot in la sin & a ég 'g a tigh fein. Righi Tire Conaill do ghabail do mac Ui Concobuir.

U1356.5

Donnchadh Mag Uidhír do marbadh le mac Duind (idon, Ardgal Og), mic Flaithbertaigh Meg Uidhir (& la h-Art, mac Flaithbertaigh).

U1356.6

Magnus Meblach h-Ua Domnaill do gabail Tire Conaill in bliadhain si & gan gairm righ fair.

U1356.7

Cathal Bodhur mac Cathail Ui Ruairc, do marbadh ar a cagadh cetna. Ocus e fein & Mael Sechlainn h-Ua Gairmleghaidh do comthuitim re ceile.

U1356.8

Muircertach mac Tomais Uí Fhloind, adbur righ h-Ua Tuirtri, do marbadh a fell d'Aedh mac Briain mic Aedha Buidhe Uí Neill.

U1356.9

Murchadh Og Mac Mathgamna, adbur righ Corco Baiscinn, do marbadh le Sil m-Briain.

U1356.10

Brian Mac Donnchaid, adbur righ h-Ua n-Oilella, do marbadh do Mac Sencha d'oirecht Ui Gadhra.

U1356.11

Haenri mac Uillíug mic Ricaird, d'eg.


p.510

Year U1357

U1357.0

Kal. Ian. iiii. f., l. x., Anno Domini M.ccc.l.uii.1360">

U1357.1

Maelruanaigh mac Gille Muinelaigh Ui Baighill, d'éc.

U1357.2

Sar Roibert Sabhais d'eg.

U1357.3

Amlaim mac Sefraigh Meg Raghnaill, do marbadh.

U1357.4

Loiscthi mora isin aimsir cetna, idon, baile Rosa Comain & Daim Inis & Sligech & Mainistir Lesa Gabail & Fighnach & Druím Lias.

U1357.5

Seaan mac Gilla Crist Ui Ruairc, do marbadh la h-Aedh Mac Dorchaidh.

U1357.6

Diarmaít O h-Ainlidhe, d'éc.

U1357.7

Primhaith Arda Macha, fer inait Patraig, quieuit in Christo.

U1357.8

Ferghal, mac Sefraigh Meg Raghnaill; Cathal, mac in Caich, do marbadh.

U1357.9

Seaan mac Simug Mic Uidhilin, do marbadh.

U1357.10

Naemug h-Ua Duibgennan d'eg.

U1357.11

Diarmait mac Donnchadha Riabaigh Mic Diarmata, do marbadh le Cathal Og mac Cathail Ui Concobuir.

U1357.12

Ingen Toirrdelbaigh Ui Concobuir, ben Ferghail Ui Raighillaigh, do marbadh d'esgur.

U1357.13

Mac righ Saxan do thecht i n-Erinn.

U1357.14

Gilla na Naem O Connmaidh, ollam Tuad Muman, idon, re timpanacht, d'ég.

U1357.15

Mathgamain Gallta Mag Uidhir, idon, mac
[gap: extent: 2-3 words]
mortuus est septimo Kalendas Aprilis.

Year U1358

U1358.0

Kal. Ian. ui. f., l. xx.i. Anno Domini M.ccc.l.uiii.1361

U1358.1

Beinidhecht O Mochan, oircinnech Cille


p.512

Athracht, in Christo quieuit.

U1358.2

Art Mac Murchadha, ri Laighen {MS folio/column 74rb}& Domnall Riabach, adhbur righ Laighen, a n-gabail a fell do mac rig Saxan 'n-a thigh fein & a tesdail aige.

U1358.3

Cormac Ballach h-Ua MailShechlainn, rí Midhe, d'ég.

U1358.4

Donnchadh h-Ua Lochlainn, rí Corcumruadh, d'eg.

U1358.5

Nicol O Fínachta d'éc.

U1358.6

Tomaltach Mac Neill do marbadh.

U1358.7

Sar Remunn a Búrc d'eg.

U1358.8

Dubóg, ingen Aedha Meg Uidhir, ben Con Chonnacht, mic Pilib Meg Mhathgamna, d'eg in bliadhain si.

U1358.9

Cluiche in righ do beith co tiugh isin bliadhain sin i n-Erinn. Risderd Sabhais d'ec dhé.

U1358.10

Cathal & Muircertach, da mac Aedha mic Eogain, d'éc.

U1358.11

Remunn, mac Burcaidh in Muine, d'éc.

U1358.12

Uaiter Sdondun d'eg.

U1358.13

Gillibert mac Mailír, d'eg.

U1358.14

Tomas Mag Tigernan, taisech Tellaigh Dunchadha, d'eg.

U1358.15

Tuatal h-Ua Maille d'eg.

U1358.16

(Oengus h-Ua Cairpri mortuus est Nonis Marcii.)

Year U1359

U1359.0

Kal. Ian. uii. f., l. ii., Anno Domini M.ccc.l.ix.1362

U1359.1

Eogan Fínn h-Ua Conchobuir, mac righ Connacht d'heg.

U1359.2

Tomaltach h-Ua Birn d'ec.

U1359.3

Eogan h-Ua Maille & Diarmait, a mac, d'ec.

U1359.4

Maelruanaigh O Dubda d'eg.

U1359.5

Ingen h-Ui Maille, ben Domnaill Ui Dubhda d'ec.

U1359.6

Domnall mac Ruaidhri Ui Chellaigh,


p.514

d'eg.

U1359.7

Niall Mag Samradhan, taisech Tellaigh Eathach, d'eg.

U1359.8

Aengus Mac in Oglaich, oircinnech Cille Oiridh, quieuit in Christo.

U1359.9

Cathal Óg mac Cathail Ui Concobuir, in tres la iar Samain d'ég.

U1359.10

Murchadh Manach Mac Taidhg quieuit in Christo .

U1359.11

Bicair Imtha, idon, O Ferghusa, d'eg.

U1359.12

Diarmait mac Seaain, taisech Muinntiri h-Angaile, d'éc.

U1359.13

Cairbri h-Ua Cuind, taisech Muinntiri Gillgan, d'eg.

U1359.14

Tadhg mac Concobuir Ui Briain, do marbadh do Clainn Cuilen.

U1359.15

Pilib mac Rouilbh Moir Meg Mathgamna, ri Oirgiall, d'heg.