Kal. Ian. uii. f., l. x. ii., Anno Domini M.cc.
Mael Issu Mac Gille Erain, aircinnech Cille Moire h-Ua Niallain & adhbur comarba Patraic, in pace quieuit.
Do-ronsat Gaill Uladh tri crecha i Tir n-Eogain & in tres crech do-ronsat, do gabsat longport ic Domnach Mor Muighi Imclair. Do cuirset crech mór imach. Táinig Aedh h-Ua Neill i n-aircis na creiche, co ro comruc do & na Gaill & co ro muidh ar Gallaibh & co tarait ar n-diairmídhe forro &{folio & column MS2 57d} ro éladur 'san aidhche co n-dechadur tar Túaim.
Sanctus Mauritius Uo Baetan i nh-I Coluim Cille in pace quieuit.
Crech la Ruaidhri Mac Duinn Sleibhe, co ní do Ghallaibh Midhe, co ro airgset Mainistir Phoil & Phetair, co nar fhagsat innti acht aen-boin.
Radub Mac Raedíg, toisech Ceneoil Oenghusa, do marbadh do Ghallaibh ar creich i
Rollant, mac Uchtraigh, rí Gall Gaidhel, in pace quieuit.
{§LATE} Donnchadh Uaithneach, mac Ruaidhri h-Ui Chonchubhair, do marbadh lais na Saxaibh bhadar hi l-Luimniuch.§