U. cccc. iii.Kal. Ian. ui. f., l. i., Anno Domini M.c.xc.ix.
Ruaidhri h-Ua Concobair .i., mac Toirrdhealbhaigh h- Ui Conchubair, ri Erenn, in penitentia quieuit.
Cathalan h-Ua Mael Fhabaill, ri Cairrgi Brachaidhe, do marbadh d'O Deran & O Deran do marbadh annsein.
Sluaghadh la h-Eoan do Cuirt i Tir n-Eogain ar fut na ceall: .i., Ard Sratha & Rath Both do milliudh dó, no co roacht Daire, co raibhe annsin da oidhche for sechtmain{folio & column MS2 57c} ic milliudh Innsi h-Eogain & in tire archena & ní ragadh as fri ré fhota, no co toracht Aedh h-Ua Neill, lucht coic long, co Cill [gap: extent: 1 word] i l-Latharnu, co ro loisc ní don baile, co ro marb dis testa do fichit annsein. Annsein ro batar Gaill Muighe Line & Dal Araidhe, tri cet, ar a cinn, etir iarn & cen iarn & nír airighedur no co ro doirtsit 'na cenn ic loscadh in baile. Annsein tucsat debaidh ar lár in baile, co ro maidh ar Gallaibh & tucsat coic madhmannda o shein amach forra no co n-dechadur 'n-a longaibh & nir fagadh acht coicer do muinntir h-Ui Neill. Iar sin ro imthigh Sheoan, o 't-chuala sin postea.
Cacadh eter Conall is Eogan, .i., co tucsat Cenel Conaill rigi do U Eicnigh. Annsein táiníc 'na coinne co Termonn Da Beóc. Táiníc h-Ua
{§LATE} Sidh do dhenamh do Chathal Chroibhdhearg h-Ua Choncubair re Cathal Carrach, mac Conchubair Maenmaighe & a tabairt h-is tir & ferann do thabairt do. §