Kal. Ian. u. f., l. x. uiii., Anno Domini M.c.lxxx.uii.
Ruaidhri h-Ua Fhlaithbertaich, ri Ceneoil Eogain, do marbadh ar creich i Tir Conaill.
Carrac Lacha Ce do loscad i medhon laa, dú in ro baidhedh & in ro loiscedh ingen h-Ui Eidhin, ben Conchobair Mic Diarmata, rí Moighi Luirg & secht .xx., no ní is moo, eter fhiru is mna, do loscadh & badudh ri ré oen-uaire innti.
Druim Cliabh do arcain do mac Mael Shechlainn h-Ui Ruairc .i., do Aedh, do righ h-Ua m-Briuin & Conmaicne & do mac Cathail h-Ui Ruairc & do Ghallaibh na Midhe imaille riu. Acht do-roine Dia firt amra ar Colum Cille ann, .i., ro marbadh mac Mael Sechlainn h-Ui Ruairc .i., Aedh ria cinn caicidhisi iar sein i Conmaicne & ro dalladh mac Cathail h-Ui Ruairc,{folio & column MS1 54c} risi tangas in sluaighedh i taigh h-Ui Mael Doraidh, i n-einech Coluim Cille & ro marbait se fichit do aes gradha meic Mael Sechlainn ar fut Conmaicne & Cairpri Droma Cliabh tria mírbuil Coluim Cille.
{§LATE} Mael Isu h-Ua Cearbhuill, epscop Oirghiall, quieuit.
Muirghíus, mac Taidhg h-Ui Mhail Ruainigh, ri Mhuighe Luirg, obiit.§