Corpus of Electronic Texts Edition
The Annals of Ulster (Author: [unknown])

Year U1186

U1186.0

Kal. Ian. iiii. f., l. uii., Anno Domini M.c.lxxx.ui.

U1186.1

Tachaisi mor i Tuaiscert Erenn isin bliadhain-si.

U1186.2

Athrighadh Domnaill, mic Aedha h-Ui Lochlainn & righadh Ruaidhri h-Ui Fhlaithbertaich ic dréim do Cheniul Eogain Talcha Óac.

U1186.3

Gilla Patraic mac mic In Gilla

p.208

Cuirr, toisech h-Ua Branan, do marbadh la Domnall h-Ua Lochlainn, tria erail Muinnteri Branan fein.

U1186.4

Uga De Laci do marbadh d'O Miadhaigh do Tebtha (.i., malartach & discailtech neimed & cell Erenn, a marbad i n-einech Coluim Cille ic cumdach casteoil, .i., a n-Dermaigh. Hugha De Laci, malartach, discailtech ceall & neimhedh Erenn, do mharbadh d'U Míadhaigh do Breghmunaibh, lasin Sinnach Ua Catharnaigh, i n-einech Coluim Cille, ic cumdach caisteoil ina chill, .i., i n-Durmuigh, sexcentesimo quadragesimo anno ex quo fundata est Daria ecclesia.

U1186.5

Innarba Ruaidhri h-Ui Conchobair la Conchobur Maenmaige, la mac féin & milliudh Connacht etarru.

U1186.6

Conn h-Ua Breislen, coinnel eínigh & gaiscidh Tuaiscert Erenn, do marbadh do dreim do Chenel Eogain & Inis Eogain uile do arcain trit-sein, cenco raibe cin doibh ann.

U1186.7

{§LATE} Conchubhar h-Ua Flaithbhertaigh do mharbadh la Ruaidhri h-Ua Flaithbertaigh, la a dherbhrathair fein, i nd-Araind.

U1186.8

Ruaidhri h-Ua Conchubair d'innarba da mac fein, .i., do Conchubhar Mhaenmhuidhe.

U1186.9

Derbhorgall, ingen

p.210

Murchaidh h-Ui Maeil Shechlainn, do dhul go Droichet Atha da h-oilichtri.

U1186.10

Ordo Carthusianorum confirmatur.§