Corpus of Electronic Texts Edition
The Annals of Ulster (Author: [unknown])

Year U1180

U1180.0

Kal. Ian. iii. f., l. i., Anno Domini M.c.lxxx.

U1180.1

Gilla in Coimdedh h-Ua Carain, comarba Patraic, do éc.

U1180.2

Mac Neill h-Ua Coemhan do marbadh do Dhonnchadh Mac Cathmail & a mharbadh fein ann.

U1180.3

Raghnall h-Ua Cairellan do marbadh do Cenel Moen i n-einech Coluim Chille ar lar Daire.

{folio & column MS2 55c}

U1180.4

Mac Aindilis h-Ui Dochurtaigh do marbadh{folio & column MS1 53d} do mac Maghnussa h-Ui Cellacan.

U1180.5

Mac Craith h-Ua Daighri, aircinnech Daire, do éc.

U1180.6

Donnchadh h-Ua Cairellan do marbadh do Ceneol Conaill tria mirbuil Coluim Cille.

U1180.7

Aindiles h-Ua Dochartaigh do ec i n-Daire Coluim Cille. {§LATE}

U1180.8

Cath na Conchubhar, .i., Conchubhar Maenmhuidhe, mac

p.198

Ruaighri h-Ui Chonchubair & Conchobur h-Ua Ceallaigh, du i torchair Conchobur h-Ua Ceallaigh & a mac, .i., Tadg & a derbrathair, .i., Diarmuid & mac Diarmoda, .i., Mael Seachlainn & mac Taidg h-Ui Conchobuir, .i., cliamuin.

U1180.9

Gilla Crist, mac Mic Carrdamna, taisech Muinntiri Mail Shinna, occisus est.§