Kal. Ian. ii. f., l. x. uiii., Anno Domini M.c.lx.uiii.
Muircertach, mac Toirrdelbaigh h-Ui Briain, rí Dail Cais, do marbadh ic Dun na{folio & column MS1 51b} Sciadh do mac Murchadha Mic Carthaigh, rí Desmuman. Ro marbadh fo chetoir mac mic Concobhair i n-a dighail la Diarmait Find & la h-Ua Faelan & secht meic righ co n-a muinnteraibh.
Flannacan h-Ua Dubhtaich, epscop na Tuath Sil Muiredagh, sui ecnai & senchais Iarthair Erenn uile, i Cungu ic ailithri mortus est.
Sluaghadh la Ruaidhri h-Ua Concobuir co h-Ath Luain, co táinic Ua Gilla Patraic, rí Osraighi i n-a thech & co tarait ceithri braighti do annsein & ros-leic a sluaghu réime dar Ath Crocha isin Mumain & se féin dar Ath Luain i Magh Léna i conne Fer n-Erenn: co rangadur
Donnchadh h-Ua Cerbaill, airdri Airghiall, do letradh do thuaigh gillai fhritholmha dó féin, .i., Ua Duibne do Ceniul Eogain & in rí for mésca & a éc dé.
{§LATE} Maidm Atha in Chomair for Art h-Ua Mail Shechlainn & for Airthiur Mide. Diarmait U Mail Sechlainn & Iarthar Midhe uictores fuerunt.
In Gilla Leithderg, .i., h-Ua Concobair Corcu Mruadh, occisus est. §