Kal. Ian. i. f., l. uii., Anno Domini M.c.lx.uii.
Muircertach, mac Lagmaind h-Ui Duibh Dirma, ri Fordroma, tuir airechais Tuaisceirt Erenn uile, do marbadh i mebhail la Donnchadh h-Ua Duib Dirma & lasin Bretaigh for lar Muighi Bile & da mac dó do marbadh arnamárach & mac do dhalludh.
Sluaghadh la Ruaidhri h-Ua Concobhair co maithibh Erenn uime co h-Ard Macha. As-sidhe co Belach Grene & asidhe co Fernach na Mebla & co ro tinolsat Cenel n-Eogain im Níall Mac Lochlainn{folio & column MS2 53a} grinne catha, do tabairt ammais longpuirt for Feraibh Erenn. Ro tairmesc tra Día séin, tria bennactain Patraic & tria rath Ruaidhrí h-Ui Concobair & Fer n-Erenn archena, co ro iadhsat Cenel n-Eogain im muine shailech i r-richt na sluagh, co n-dechaidh cach i n-ár a cheile annsin, cenmothat doine do marbadh. Co ro triallsad na sluaigh iar sin im h-Ua Conchobair dul do innredh & loscudh Tire Eogain, co tangadur drem do Chenel
Mael Michel Mac Doithechan uasal-shacart & fer leighinn i n-Ard Macha, suam uitam feliciter finiuit.
Muiredhach Mac Canai do marbadh do macaibh Meic Lochlainn i n-éinech Patraic & Bachlu Isu, iar n-a erail dia braithribh fein.
{§LATE} Uatu h-Ua Con Chenaind, ri h-Ua n-Diarmata, in clericatu moritur.
Diarmait Mac Murchadha do thuidecht tar muir in bliadhain-si.
Toirrdelbhach h-Ua Briain do eg in bliadhain-si.§