Corpus of Electronic Texts Edition
The Annals of Ulster (Author: [unknown])

Year U1164

U1164.0

Kal. Ian. iiii. f., l. iiii., Anno Domini M.c.lx.iiii.

U1164.1

Donnchadh h-Ua Briain, epscop Cille Da Lua, in Christo quieuit.

U1164.2

Maithi muinnteri Ia, .i., in sacart mor, Augustin & in fer leiginn (.i., Dub Sidhe){folio & column MS1 50b} & in disertach, .i. Mac Gilla Duibh & cenn na Ceile n-De, .i., Mac Forcellaigh & maithi muinnteri Ia arcena do thiachtain ar cenn comarba Coluim Cille, .i., Fhlaithbertaich h-Ui Brolcain, do gabail abdaine Ia a comairli Somarlidh & Fer Airir Gaidhel & Innsi Gall, co ro astaei comarba Patraic & ri Erenn, .i., Ua Lochlainn & maithi Cenel Eogain e.

U1164.3

Gilla Patraic h-Ua Mael Mena do éc.

U1164.4

Somharlidh Mac Gille Adhamhnain & a mac do marbadh & ár Fer Airir Ghaedhel & Cinn Tire & Fer Innsi Gall & Gall Atha Cliath ime.

U1164.5

Blodh d' Ard Macha do loscadh.

U1164.6

Tempull mór Dairi do

p.146

denum la comarba Coluim Cille, .i., la Flaithbertach, mac in espuic h-Ui Brolcain & la samudh Coluim Cille & la Muircertach h-Ua Lochlainn, la h-airdrigh n-Erenn. Ocus tairrnic cloch in tempaill moir sein Daire, i faelet nocha traighed, fri ré cethorchat laa.

U1164.7

{§LATE} Amhlaim, mac Gilla Caimghin U Cheinneidig, do dhalladh.§