Corpus of Electronic Texts Edition
The Annals of Ulster (Author: [unknown])

Year U1160

U1160.0

Kal. Ian. ui. f., l. xx., Anno Domini M.c.lx.

U1160.1

Donnchadh h-Ua Mael-Sechlainn, ri Midhe, do marbadh do macaibh h-Ui Fhindallan i mebhail.

U1160.2

Ua Canannan, rí Ceniuil Conaill, do marbadh la Cenel Conaill fadhéin, .i., tech do loscudh{folio & column MS2 51d} d'Ua Baighill fair.

U1160.3

Flaithbertach h-Ua Cathusaigh, ri Saitne do éc.

U1160.4

Finn h-Ua Gorman, epscop Cille Dara, abb manach Ibhair Cinn Trachta fri ré, ad Christum migrauit.

U1160.5

Brodur, mac Torcaill, ri Atha Cliath, do marbadh do Deiscert Bregh.

U1160.6

Maidm Maighi Lughad ria Cenel n-Eogain Tolcha Oac for h-Ua n-Gailmredhaigh & for Domnall h-Ua Crichan & for Ua Fiacrach, co ro marbadh drem mór dibh. Ocus is don chur-sin do-rochair co neímh-chíntach Muircertach h-Ua Neill la Lochlann h-Ua Lachlainn, co torchair iar sin Lochlann i n-a dhighail la mac h-Ui Neill.

U1160.7

Sluaghadh la Muircertach h-Ua Lochlainn co Ceniul Eogain & co n-Airgiallaibh, co

p.138

rangadur Magh n-Dula do innarbud h-Ui Gairmleghaidh. At-rochair tra h-Ua Gairmleghaidh i mebail la Domnall h-Ua Mael Ruanaigh, ar erail h-Ui Lochlainn, iar sarughudh cleirech n-Erenn & a mhind dó. Ocus rucad a cenn co h-Ard Macha i n-éinech Patraic & Coluim Cille.