Corpus of Electronic Texts Edition
The Annals of Ulster (Author: [unknown])

Year U1159

U1159.0

Kal. Ian. u. f., l. ix., Anno Domini M.c.l.ix.

U1159.1

Diarmait, mac Taidhg h-Ui Mail Ruanaigh, mortuus est.

U1159.2

Sluaghadh la Muircertach h-Ua Lochlainn a Midhe, co fargaibh Donnchadh h-Ua Mail Sechlainn i lan-righe Midhe, o Shinainn co fairrgi.

U1159.3

Sloghadh la Muircertach h-Ua Lochlainn co maithibh Cheineil Eogain i foiridhin Airghiall co h-Ath Fhir Deadh. Tangadur{folio & column MS2 51c} imorro Connachta & Conmhaicne & Ui Bríuin do leir & cath mor do Muimnechaibh conícce Ath na Caisberna, do tabairt catha doibh. At-rachtadur imorro Cenel n-Eogain & Airgiallu im h-Ua

p.134

Lochlainn for amus in Atha cetna. Maidhis tra for Connachtaibh & for Conmaicne & for Ua Bríuin, amal robatur uile, .i., sé catha mora doibh & lait na dá cath aile a n-derg-ár: .i., ár Connacht, im Gilla Crist, mac Diarmada, mic Taidhg & im Muircertach, mac Taidhg & mac Domnaill h-Ui Fhlaithbertaigh, .i., mac righ Iarthair Chonnacht & Brian Mainech, mac Conchobhair, mic Thoirrdhelbaigh & h-Ua Mandachan (.i., Muiredhach), ri h-Ua Briuin na Sinna & Branan, mac Gilla Crist Mic Branan, .i., rí Corco Achlann & mac Fhínnan h-Ui Sibhlen, ri h-Ua n-Echach Muaidhe & alii multi nobiles; & ár h-Ua m-Bríuin, im mac Tigernan h-Ui Cumran & im mac Gilla Fhínnen Ui Rotaigh & mac Suibne h-Ui Ghalan & mac Con Buidhe h-Ui Thormadan & mac Aedha na n-Amus, airri Conmaicne,& UaDonnchadha & Finnbarr, mac Finnbhairr Oi Gherudhud, toisech Muinnteri Gerudhan. Ocus drem mor do Muimnechaibh, im mac Gilla Ciaran h-Ui Cennetigh. Ocus Mac na h-Aidhchi h-Ua Cernachan do marbadh arnamharach for creich. Ocus tucsadur Cenel n-Eogain boroma n-diairmídhe don creich-sin & ternatur imorro Cenel n-Eogain co coscar mór dia tighibh iar séin.

U1159.4

Sluaghadh la Muircertach h-Ua Lachlainn co Ceniul n-

p.136

Eogain & co n-Airgiallaibh & Ulltaibh & Ceniul Conaill i Connachtaibh, co ro loiscet Dún Mór & Dun Ciaraidhi & Dún na n-Gall & co ro millset mor don tír archena, co ro soiset iar sin dia tír, cen sith, cen giallu. Ocus is don chur-sin tucsat leo h-Ua Gailmredhaigh & Cenel Maien.

U1159.5

Mael Muire h-Ua Loingsigh, epscopLis Mhoir, suam uitam feliciter finiuit.

U1159.6

Murchadh h-Ua Ruadhacan, rí Airther, mortuus est.

U1159.7

Tri h-Ui Mael Doraidh do marbadh la h-Ua Canannan hi meabhail.