Corpus of Electronic Texts Edition
The Annals of Ulster (Author: [unknown])

Year U1123

U1123.0

Kl. Ianairii f. l. i. Anno Domini m.c.xx.iii.

U1123.1

Gailenga do ghabail tighi i n-Daim Liac Ciannan for Murchadh H. Mael Sechlainn for righ Temhrach co ro loiscset in tech & ochtmogha taighi ime & co ro marbsat sochaidi dia muinnter. Ternai imorro Murchadh do ainiuch Ciannan cen marbadh cen loscadh.

U1123.2

Ammus anaithnigh do thabairt for comarba Ailbe .i. Mael Mordha m. m. Clothna .i. tech do ghabail fair for lar Imlecha fein & for m. Cerbaill H. Ciarmaic .i. ri Aine co ro marbadh morseiser and. Ternatur imorro na doene


p.568

maithi ass tria rath Ailbhe & na h-ecailsi. Ro loiscedh imorro ann Bernan Ailbhe. Ro marbadh imorro ria cind mis inti ro gabh in tech .i. in Gilla Caech H. Ciarmaic, & deochain eisidhe iar n-ainmniughudh & ro beanadh a cenn de i sarughudh Ailbhe & in Comdhegh.

U1123.3

Oenghus H. Gorman comarba Comghaill do éc in a ailithri i l-Lis Mór Mo Chutu.

U1123.4

Flann H. Duibh Innsi airchinnech Lughmaigh, Cú Caisil H. Cerbaill ri Fernmhuighi, Mael Muire H. Cóndubhán airchinnech Daire Lubhrain, Donn Sleibhe m. Cathalan sonus & sobharthu Uladh uile mortui sunt.

U1123.5

Donnchadh m. Gilla Patraic Ruadh ri Osraighi a suis occisus est.

U1123.6

Conghalach H. Laithbertaigh ridomna Ailigh occisus est.