Corpus of Electronic Texts Edition
The Annals of Ulster (Author: [unknown])

Year U1118

U1118.0

Kl. Ianair iii f. l. u. Anno Domini m.c.x.uiii.

U1118.1

Laidhgnen H. Duib Dara ri Fer Manach do mharbadh do Uibh Fiachrach & d'Feraibh na Craibhe.

U1118.2

Diarmait H. Briain ri Muman & Leithi Mogha archeana mortuus est i Corcaigh Moir Muman iar n-ongadh & aithrighi.

U1118.3

Mess cet n-unga do aidhmibh aiffrinn Ceallaigh comarba Patraic do badhudh i n-Daball & bidhgadh dó fein.

U1118.4

Paschalis comarba Petair seruus relegiosus cum dilexione Dei et proximi ad Christum migrauit.

U1118.5

Maria ingen Mail Coluim ingen righ Alban ben righ Saxan mortua est.

U1118.6

Slogadh la Tairrdelbach H. Concobhair la righ Connacht & la Murchadh H. Mael Sechlainn ri Temrac imailli fris & la h-Aedh H. Ruairc isin Mumain co rochtadur Glenn Maghair & co tard Desmumain do Mac Carrthaigh & Tuathmumain do macaibh Diarmada & co tuc a n-giallu diblinaib. Slogadh aile lais co h-Ath Cliath co tuc m righ Temrach boi i l-laim Gall & giallu Gall fadhein & giallu Laigen & Osraighi.


p.562

U1118.7

Scel ingnadh indisit na h-ailitrigh .i. talamh-cumscugud mór i Sleib Elpa coro modhaigh il-cathracha & ar n-doine inntibh. Sgel ingnadh aile a n-Erinn .i. murduchonn do ghabail do iasgairibh Coradh Lis Arglinn i n-Osraighibh & araile ic Port Lairge.

U1118.8

Maidm Cinn Daire for Uibh Echach Uladh ria Murchadh H. Ruadhacan co ro ladh a n-ar.

U1118.9

Ruaidhri H. Concobuir ri Connacht fri re ciana do éc i nd-ailithri isin t-sheisidh bliadhain .xx. iarna dhalladh.