Corpus of Electronic Texts Edition
The Annals of Ulster (Author: [unknown])

Year U1114

U1114.0

Kl. Ianair u. f. l. xx.i. Anno Domini m.c.x.iiii.

U1114.1

Flann m. m. Fhlannchadha comarba Mo Laisi Daiminnsi, Mael Coluim{folio & column MS1 64vb} H. Cormacan comarba Einne Arann, Diarmait H. Flainn Chua comarba Ailbe Imlecha Ibhair h-uasal-espoc & fer leighinn ernedach seoit & biidh einigh & deirce, Ferdomnach H. Clucain comarba Cenannsa in pace quieuerunt.


p.556

U1114.2

Teidm galair moir do ghabail Muircertaigh H. Briain righ Erenn co n-dernai anfabrachtai de & co ro scar fria righe. Diarmait imorro do ghabail righi Muman ina fiadhnuise cen chetughadh.

U1114.3

Sluagadh la Domnall H. Lochlainn co Raith Cennaigh co tainig Eochaidh H. Mathgamna co n-Ulltaibh ina tech ocus Donnchadh H. Loingsigh co n-Dal Araidhe ocus Aedh H. Ruairc co feraibh Breifne ocus Murchadh H. Mael Sechlainn co feraibh Midhe. Do-llotar iar sin diblinaibh dar Ath Luain co Dun Leodha co tainig Tairrdelbach H. Conchobair co Connachtaibh & Niall H. Lochlainn a mac fadhein co Cenel Conaill inna aericht. Do-chótar imorro uile iar sin co Telaigh H. n-Dedhaigh i n-Dail Cais co n-dernsatar ossadh m-bliadhna & fir Muman. Do-dheochaidh dano Domnall H. Lochlainn ar fut Conacht dia tigh.

U1114.4

Aedh m Donnchadha H. Eochadha ridomna Uladh, Donnchadh H. Loingsigh ri Dail Araide, H. Canannan {§}.i. Ruaidhri§ ridomna Ceniuil Conaill, Muircertach H. Lochlainn ridomna Ailigh iniuste interfecti sunt.