Corpus of Electronic Texts Edition
The Annals of Ulster (Author: [unknown])

Year U1106

U1106.0

Kl. Ianair ii f. l. xx.iii. Anno Domini m.c.ui.

U1106.1

Crech-sluaigedh la Domnall H. Lochlainn i foiridhin Donnchadha H. Mael Shechlainn coro ortadur Iartar Midhe & co tárus Donnchadh ann for scemhledh & coro marbadh é.

U1106.2

Disirt Diarmata cona derthaigh do loscadh.

U1106.3

Tuathal comarba Coemhghin in pace quiéuit.

U1106.4

Ceallach comarba Patraic for cuairt Ceniuil Eogain cetna chur co tuc a óghreir .i. bó cech seisir no agh n-dára cech trir no leth-unga cech cethrair la taebh n-edbhart n-imda olchena.

U1106.5

Cathbarr H. Domnaill ri Ceneol Lughdach.


p.546

U1106.6

Ceallach for cuairt Muman cetna chur bes co tuc a lan-chuairt .i. secht m-bae & .uii. cairigh & leth-unga cech fuind tricha cet i Mumain la taebh shét n-imda olchena. Ocus ar-roet imorro Ceallach gradha uasal-espoic don chur-sin a forcongra fer n-Erenn.

U1106.7

Caincomrac H. Baighill uasal-espoc Aird Macha in pace quieuit.

U1106.8

Etgair ri Alban mortuus est.