Corpus of Electronic Texts Edition

The Annals of Ulster (Author: [unknown])

Year U1096

U1096.0

Kl. Ianair .iii. f. l. ii. Anno Domini m.xc.ui.

U1096.1

Flann H. Anbeidh ri Deisceirt Airghiall, Mael Patraic m. Ermedaigh episcopus Ard Macha, Coluim H. Anradhan airchinnech Ruis Ailithir, Flann H. Muirecán airchinnech Aentruim in Christo dormierunt.

U1096.2

Mathgamain H. Segdhai ri Corco Duibhne, Conchobur H. Anniaraidh{folio & column H63rb} ri Ciannacht & H. Cein ri H. M. Cairthinn do comthuitim i cliathaibh.

U1096.3

Uamon mór for feraibh Erenn ria feil Eoin na bliadna-sa co ro thesairc Dia tria troisctibh comarba Patraic & cleirech n-Erenn archena.

U1096.4

Mac Dubghaill H. Mael Chothaigh do marbadh dó Ú Inneirghi.

U1096.5

Muircertach H. Dubhdai ri H. n-Amhalgadha do marbadh a suis.

U1096.6

Mottadhan H. Mottadhan rí Sil Anmchadha mortus est.

U1096.7

Cu Uladh H. Ceilecan .i. ridamna Airgiall do marbadh la Coicedh n-Erenn .i. la h-Ultu.

U1096.8

Gilla Ossen m. m. Corten ri Dealbna occisus est.

U1096.9

H. Cathail airchinnech Tuama Greine in Christo quiéuit.

U1096.10

Eogan H. Cernaigh airchinnech Daire in nondecim Kl. Enair quiéuit.

p.532