Kl. Ianair i. f. l. x. Anno Domini m.xc.iiii.
Flaithbertach H. Ateidh ri H. n-Eachach do dhalladh la Donnchadh H. n-Eochadha la righ Uladh.
Slogadh la Muircertach H. m-Briain co Ath Cliath coro innarb Goffraigh Meranach a righe Gall & co ro marb Domnall H. Mael Sechlainn ri Temhrach.
Ar Airther do dhegh-dainib .i. im ua Fedecan & im Donn mac Oengusa do chor la h-Ulltaibh.
Ruaidri H. Donnacan ri Aradh, Concobur H. Conchobhair ri Cianachta in penitencia mortui sunt.
{§H}Maidm ria Sil Muiredaigh for Tuadmumain i torcradur tre cet uel paulo plus.§
Domnall comarba Patraic for cuairt Muman cetna chur co tuc a lan-chuairt scribuil la taeb n-edbarta.
Donnchadh m. Mael Coluim ri Alban do marbadh o braithrib fein .i. o Domnall & o Etmond per dolum.
Doinenn mor i n-Erinn uile dia ro fhas domatu.
{§H}Cath Fidhnacha du h-id-rochair leth Iarthair Connacht & leith Corcu Mruadh la Tadhg mc Ruaidhri H. Concobair.§