Kl. Ianair .ii. f. l. x.iii. Anno Domini m.lxx.uiii.
Lorcan H. Briain do ecaibh.
Lethlobur H. Laidhgnen .i. airdri Airgiall do marbadh la Ruaidri H. Ruadhacan.
Concobur H. Briain ri Telcha Óc & ridamna Erenn do marbadh .i. cum sua uxore do Cenel Binnigh Glinni.
Dub Esa ingen Amhalgadha comarba Patraic ben righ Airther do ecaibh.
Domnall m. m. Tigernain ri Conmaicne, Cathal m. Domnaill ri Ceniuil Ennai o Ceniul Eogain na h-Innsi .i. i m-madmum Muighi Leini, Concobur H. Donnchadha ridomna Caisil occisi sunt.
Maidm for Uib Cremtainn ria feraib Fernmuighi i Sleibh Fhuait i torchair Goll Claraigh & alii multi.
Ar for Conaillibh ria n-Uibh Meith i torchair m. h-Ui Treodan ri Conaille.