Kl. Ianair .u. f. l. x. Anno Domini m.lxx.u.
Gofraigh mc. Amhlaim uel mc Raghnaill ri Atha Cliath, Cinaeth H. Con Beathadh toisiuch Ceniul Binnigh mortui sunt.
Slogadh la Tairrdelbach & la Leth Mogha i l-Leith Cuinn co torractur co h-Ath Fhirdeadh co tardsat Airgialla maidm Arda Monann for Muircertach H. m-Briain du i torcratur ile.
Donnchadh H. Canannan ri Ceniuil Conaill occisus est.
Domnall m. Murchadha ri Atha Cliath do ec do galur tri n-oidhce.
Domnall H. Caindelban do marbadh do Airgiallaib.