Corpus of Electronic Texts Edition

The Annals of Ulster (Author: [unknown])

Year U1072

U1072.0

Kl. Ianair i. f. l. uii. Anno Domini m.lxx.ii.

U1072.1

Mael Muire H. Muirigan airchinnech Tuidhnigha quieuit.

U1072.2

Gilla Crist H. Longan maer Muman do éc.

U1072.3

Dub Dil comarba Brigte in Christo quieuit.

U1072.4

Diarmait m. Mail na m-Bo ri Laigen & Gall do tuitim i cath la Concobur H. Mael Sechlainn la righ Temrach & ár Gall & Laigen ime .i. i Mairt & i .uii. Id. Febra.

U1072.5

Cu Uladh H. Flathrai & m. Assidha ri H. Gobla do marbadh la Descert m-Bregh.

U1072.6

H. Focarta ri Eile do marbadh la H. m-Briain.

U1072.7

Ruaidri H. Canannan ri Ceniuil Conaill do marbadh la H. Mael Doraidh .i. Oenghus.

U1072.8

Fraingc do dul i n-Albain co tucsat mc. rig Alban leo i n-eitirecht.