Kl. Ianair .ui. f. l. xu. Anno Domini m.lxx.
Cathusach mac Cairpri airchinnech Mungarte do éc.
Murchadh m. Diarmata ri Laigen & Gall do ec & sepultus est i n-Ath Cliath.
h-Oa h-Eochaiden ri Dal n-Araide occisus est a suis.
Fergal H. Laidhgnen airchinnech Othna do éc.
Gilla Patraic H. Mael Chothaidh periit morte immatura.
Abbas Ia .i. m. m. Baethen do marbadh do mc. ind abad H. Mael Doraidh.
Cathbarr H. Mael Chothaidh do marbadh do mc. H. Indirge tria meabail.
Muircertach H. Loingsigh decollatus est a suis.
Eilill H. h-Airetigh comarba Ciaran quieuit.
M. Gorman fer leiginn Cenannsa & sui ecna Erenn.
Termonn Da Beóc d'argain do Ruaidri H. Canannan & uindicauit Deus & Da Beoc ante plenum annum.
Glun Iairn m. Diarmata do marbadh do Tuathaib Luighne la taeb creiche a l-Laighnibh.
Ri Tebtha & ri Cairpri occisi sunt.
Mael Brigte m. Cathusaigh m. ind abad fos-airchinnech Ard Macha occisus est.