Corpus of Electronic Texts Edition

The Annals of Ulster (Author: [unknown])

Year U1065

U1065.0

Kl. Ianair .uii. f. l. xx. Anno Domini m.lx.u..

U1065.1

Dubthach Albanach primh-anmcara Erenn & Alban i n-Ard Macha quieuit

1. {§H2}Dubthach duini dlighthech dur
   ron-bia in sosadh slightech soer
   nem fuair in t-anmchara ad-cidh
   ar a thir clar-thana coemh.§

U1065.2

Donnchadh H. Mathgamna ri Uladh do marbadh a m-Bennchar a suis.

U1065.3

Domnall airchinnech Lughbaidh & airchinnech Droma a n-ec.

U1065.4

Aedh H. Ualghairg do ghabail righe Ceniuil Eogain.

U1065.5

Brodur namha Comghaill qui occidit regem i m-Bennchor do marbadh la righ Dal n-Araidhe.

U1065.6

M. Taidhg H. Ceallaigh ri H. Maine & H. Flaithbertaigh ri Iartair Conacht occisi sunt la h-Aedh H. Conchobair.

U1065.7

Domnall H. Loingsigh ri Dal n-Araide & Muircertach H. Mael Fhabaill ri Cairce Brachaidhe do marbadh o h-Uib Meithe Menna Tire.

U1065.8

Leocan m. Laidhgnen ri Gaileng do marbadh la Concobur H. Mael Sechlainn.

U1065.9

Echmhiledh H. Aiteidh ri H. n-Echach do marbadh do Cheniul Eogain.

U1065.10

{§H2}No gumad ar in Kl.-si bud coir Donnchadh mc Briain Boruma do beth secundum alium librum qui tamen uidetur mori anno preterito secundum hunc librum.§

p.504