Corpus of Electronic Texts Edition
The Annals of Ulster (Author: [unknown])

Year U1060

U1060.0

Kl. Ianair .uii. f. l. xx.iiii. Anno Domini m.lx.

U1060.1

Cocadh mor i n-Ard Macha eter Cumuscach H. n-Erodhan & Dub Da Leithi comarba Patraic imon abdhaine.

U1060.2

Cenannus do loscadh do leir cona daim liac.

U1060.3

Leithgleann do loscadh do leir cenmota in dertach.

U1060.4

Domnall Deisech prim-anmcara Erenn & Conn na m-Bocht Cluana M. Nois ad Christum uocati sunt: {§H2}

    1. Da bliadain dec na tescaidh
      coic mile cen oen esbaidh
      fuair H. Forreidh co suilidh
      do reir robeid robuilidh
      o thus domain dograing tic
      co h-eitsecht Domnaill Deisich.
      §

U1060.5

Mael Ciaran H. Robocan airchinnech Suird mortus est.


p.498

U1060.6

Muircertach mac Gilla Fhulartaigh ridomna na n-Dese occisus est.

U1060.7

Maidm ria feraib Bregh .i. ria n-Gairbeid H. Catusaigh for Gailengaibh .i. Leochan m. m. Maelan & for Cairpri.

U1060.8

Flannacan H. Ceallaigh ri Bregh do éc ina ailithre.