Kl. Ianair .iii. f., l. x.u. Anno Domini M.l.i.
Muirchertach m. Bric, rí na n-Dese Muman, do loscad do H-Uib Faelan.
M. Buatan m. Bric do marbad i n-dam liac Lis Moir do Mael Sechlainn H. Bric.
Amalgaid m. Cathail, ri Iartair Conacht, do dhallad la h-Aedh H. Concobair.
Laidhgnen m. Maelain, ri Gaileng, cum sua regina, .i. ingen In Guit, do dul dia ailithri do Roim & a ec.
M. Lochlainn do innarbad a righi Telcha Og, & Aedh H. Ferghail do righadh.{folio & column H59rb}