Kl. Ianair, .i. f., l. xx.uii. Anno Domini M.xl.iiii.
Cumuscach H. h-Ailillen, ri H. n-Echach, do marbad o h-Uib Caracan.
Niall H. Ceilecan, rí H. m-Bresail, & a brathair, .i. Treinfher, do dallad do maccaibh Matodhain tria mebail.
Domnall H. Cuirc, ri Muscraidhe, do mharbad do h-Ui Fhlaithein & do h-Ui Oissein.
Crech la Niall m. Mail Sechlainn, la righ n-Ailigh, for h-Uib Meith, & for Chuailge co ruc da .c. déc bo & sochaide di brait i n-dighail sharaighthi Cluicc ind Edachta. Crech .ii. dono la Muirchertach H. Neill for Mughdorna co tuc boroma & brait i n-dighail saraighti in Chluic cetna.
In Cleirech H. Conchobhair do marbad.