Kl. Ianair .uii. f., l. xui. Anno Domini M.xl.iii.
Cathal m. Ruaidhri, ri Iarthair Conacht, do éc i n-ailithri i n-Ard Macha.
Domnall H. Ferghaile, ri Fortuath Laigen, do marbad dia dhainib fein.
Flann H. Anbeid, rí H. Meith, o h-Ui Cerbuill o righ Fernmhuighi; Aedh H. Con Fhiacla, rí Tebtha, o Muirchertach H. Mail Sechlainn, Ceinneitig H. Cuirc, ri Muscraidhe, occisi sunt.
Ceallach H. Cleircin comarba Finnein & Mo Cholmocc, Cairpri H. Laidhgnein airchinnech Ferna & Tighi Mo Ling, Gilla Mo Chonna H. Duib Dirma, in pace dormierunt.
Maidm Maele Coennaigh for brú Súire for Osraighi & for Ermumain re Cartach m. Saerbhrethaig i farcbadh H. Donnacan, rí Aradh.
Maidm ria Cenel Eogain for Cenel Conaill i Termonn Da Beocc.