Kl. Ianair .i. f., l. xx.i. Anno Domini M.xxx.uiii.
Cuinniden Coinnere comarba M. Nissi & Colmain Ela, Colman Cam H. Conghaile comarba Mo Laisi, in Christo quieuerunt.
Gilla Crist m. Cathbairr H. Domnaill do marbad la mc. Cuinn H. Domnaill.
Cath eter Cuanu, ri Allsaxan, & Otta, ri Frangcc, i torchair mile im Otta.
Orc Allaid H. Ruadhacan, rí H. n-Eachach, do marbad do Clainn Sinaigh i n-Ard Macha i l-Luan Fheile Ulltan i n-dighail marbtha Eochada m. ind Abad & i n-digail saraighthi Aird Macha.
Maidhm for h-Uibh Maine ria Dealbna for lar Cluana M. Noiss i n-Aine Feile Ciaran in quo multi occisi sunt.
Cu Duilig H. Donnchada, ridomna Caisil, do marbad do Fhaelan.