Corpus of Electronic Texts Edition
The Annals of Ulster (Author: [unknown])

Year U1036

U1036.0

Kl. Ianair .u. f., l. .xx.uiiii. Anno Domini M.xxx.ui.

U1036.1

Domnall H. h-Uathmuran, ri Fer Li, o Dhal Araide; Sgolog H. Flannacan, ri Tethbha, a suis; Domnall H. Flainn, ridomna Temrach, o feraibh Breifne; Murchad h. In Cappaill & Niall m. Muirgisa, da righdomna Iarthair Connacht —omnes occisi sunt.

U1036.2

Cu Chiche m. Eignechan, ri Ceniuil Ennai, obiit.

U1036.3

Donnchad m. Dunlaing, ri Laigen, do dhallad la Donnchad m. Gilla Patraicc co n-erbailt de.

U1036.4

Flaithbertach H. Neill, airdri Ailigh, post penitentiam optimam in Christo quieuit.

U1036.5

Oenghus m. Flainn comarba Brenaind Cluana, Ceallach H. Sealbaig comarba Barre, in Christo dormierunt.

U1036.6

Ruaidri m. Taidhg m. Lorcain do dhallad la m. Mail na m-Bo.