Kl. Ianair .iii. f., l. uii. Anno Domini M.xxx.iiii.
Mael Coluim m. Cinaedha, ri Alban, obiit.
Amlaim m. Sitriuc do marbad do Saxanaibh oc dul do Roim.
Gilla Sechnaill m. Gilla Mo Conna occisus est.
Dubh Daingen, ri Connacht, a suis occisus est.
Donnchad m. Briain do innredh Osraighi do leir.
Cathal Mairtir, airchinnech Corcaidhe, & Conn m. Mael Patraicc, airchinnech Mungarti, in Christo dormierunt.
Slogad Ulad i Mide co Tech M. Mellen.
Gilla Fulartaig, ri na n-Dese Breg, occisus est.
Maicnia H. Uchtan, fer leiginn Cenannsa, do bathad ic tiachtain a h-Albain, & culebad Coluim Cille & tri minna do minnaib Patraicc & tricha fer impu.
Suibne m. Cinaedha, ri Gall-Gaidhel, mortuus est.