Kl. Ianair .uii. f., l. xu. Anno Domini M.xxx.ii.
Mathgamain H. Riacain, ri Bregh, do marbad do Domnall H. Chellaig per dolum.
Gilla Comgan m. Mael Brighde, mormaer Murebe, do loscadh co coecait do dainibh ime.
Domnall H. Mael Doraid, ri Cenel Conaill.
M. Mathgamna m. Muiredaigh ri Ciaraidhe, Domnall m. Duinn Cothaid ri Gaileng, occisi sunt.
Etru H. Conaing, ridomna Muman, occisus est o muintir Imlecha.
Maidm Droma Benncair for Ulltu ria n-Airghiallaib.
Maidm Inbir Boinne ria Sitriuc m. Amhlaim for Conaillib & for Uib Dorrthainn & for Uib Mheith i r-raladh a n-ár.
Mael Tuile, espoc Aird Macha, in Christo quiéuit. Aedh H. Forreidh do ghabail na h-espocoide.
- Seissedhach do gran chorca
no trian d'airnibh dub-corcra
no do dercnaibh darach duinn
no do chnoibh falach finn-cuill
fo-gabhar cen tacha tinn
(i n-)(Ard) Macha ar oen-(pinginn.)