Kl. Ianair .u. f., l. xx.iii. Anno Domini M.xxx.
Bresal Conaillech, comarba Ciarain.
Eochaid H. Ceithnen comarba Tigernaigh, ard-sui Erenn i n-ecnai, i n-Ard Macha quieuit.
H. Cruimtir, {§H1}.i. Oengus,§ comarba Comghaill, do ec.
Flaithbertach H. Neill do dhul do Roim.
Tadhg H. Concobair, ri Connacht, & In Got, ri Midhe, occisi sunt.
Ruaidri H. Canannan do marbad la h-Aedh H. Neill.
Tadhg m. Lorcain, ri H. Ceinnselaig, do éc ina ailithri a n-Glinn Da Locha.
Cú Mhara m. Mc. Liag, ard-ollam Erenn, do éc.
Eochaid m. Ind Abad do marbad don Urc H. Ruadacan i mebhail.
Cenel Eogain do brisiudh luingi H. Loingsich for lar Oentruimh.
Mael Duin m. Ciarmeicc, muire Ceniuil m-Binnigh Glinni, do marbad do Conchobur H. Loingsigh.
{§H2}Tadg mc. Cathail mc. Concobuir interfectus est o Mael Seachlainn H. Mael Ruanaigh, ri Crimthainn.
Fear do tachar a tracht Corca Baiscinn, & bhatar oct d-troighchi edir a chidh & a fhordrann.§