Corpus of Electronic Texts Edition
The Annals of Ulster (Author: [unknown])

Year U1023

U1023.0

Kl. Ianair .iii. f., l. ii. Anno Domini M.xx.iii.

U1023.1

Ercrai escai i xiiii. {folio & column h56va} escai Enair, .i. iiii. Id Enair, Dia Dardain. Ercrai grene immorro i xx.uii. ind escai cetnai Dia Dardain cinn coectighes i noi Kl.

U1023.2

Domnall m. Aedha Bic H. Mail Sechlainn do marbad o m. Senan H. Leochain.

U1023.3

Donnchad H. Duinn, ri Bregh, do ghabail do Ghallaib ina n-airiucht fein & a breith dar muir.

U1023.4

Lochlainn m. Mael Shechlainn do marbad a suis.

U1023.5

Tadhg m. Briain do marbad o Eilibh.

U1023.6

Concobur H. Carraigh do marbad lasna Gutu.

U1023.7

Leobelein, ri Bretan, do ec.

U1023.8

Oenreicc, ri in domain, do ecaibh in pace. Tara eisi ro gabh Cuana righe in domain.

U1023.9

Da H. Machainen do marbad do Ghailengaibh.

U1023.10

Domnall H. h-Eagra, ri Luighne Connacht, do marbad do H. Concobair ri Connacht.