Corpus of Electronic Texts Edition

The Annals of Ulster (Author: [unknown])

Year U1022

U1022.0

Kl. Ianair .ii. f., l. xx.iiii. Anno Domini M.xx.ii.

U1022.1

Mc. Cerbaill, rí Ele, & Domnall H. Cellaig ri Fothart, Sitriuc mc. Ímair ri Puirt Lairgi, occisi sunt.

U1022.2

Mc. Leiginn m. Cairill, rí Airghiall, Flann H. Tacan airchinnech Dairmaighi, Lachtnan comarba Innsi Cain Dega, .i. i n-Ard Macha ad-bath, in Christo dormierunt.

U1022.3

Mael Sechlainn m. Domnaill mc. Donnchada, airdri Erenn, tuir ordain & oirechais iarthair domain, do ecaib isin tres bliadain .xl. regni sui, isin tres bliadain .lxx. etatis sue, in .iiii. nonas Septimbris, die uidelicet Dominico, secunda luna.

1. {§H1}Noí .xx. prim-port 'con righ,
   mal i r-roimsi broit is bidh,
   ol trom do Righ na n-Duile
   for lar cecha duine dibh.
2. Int adhaltrach .uii. (.ui.) ain,
   ri asa-n-gebat Gaill crith-ghair:
   nocom-bera bas do rinn
   Ardruire Cathrach Croinn.§

U1022.4

Muircomhrac forsind fharce eter Gallu Atha Cliath & Niall m. Eochada, ri Ulad, coro muidh forsna Gallu & coro ladh a n-derg-ar & coro dairthea archena.

U1022.5

Muirchertach H. Carraigh, .i. ridomna Temrach, do marbad on Gut, .i. la Mael Seclainn.

U1022.6

Maidm i Sleibh Uait for Airghiallu ria Niall m. Eochada coro cuired derg-ar Airgiall and.

p.460

U1022.7

Mathgamhain m. Laidgnen, ri Fernmuighi, do marbad do Chathalan H. Crichan for lar Chluana Eois.

U1022.8

Muiren na Tengadh occisus est.