Kl. Ianair .ui. f., l.ii. Anno Domini M.xx.
Ceall Dara cona dairtigh do loscad. Gleann Da Lacha uile cona dairtighibh do loscadh. Cluain Iraird & Cluain M. Nois & Sord Coluim Cille tertia parte cremate sunt.
Flaithbertach H. Eochada do dhallad la Niall m. Eochada.
Gilla Ciaran m. Osene, ri Mughdorn, do marbad do Feraibh Rois. Mael Muaidh m. Osene, ri Mughdorn fri re oen-lai, do marbad la H. M. Uais Bregh.
Ard Macha uile do leir do loscadh, .i. in dam liac mor cona tuighi do luaidhe & in cloicthech cona cloccaibh & in Saball & in Toai, & carbat na n-abad, & int sen-chathair preciupta i teirt Kl. Iuin & i l-luan re Cingceighis.
Mael Muire mc. Eochadha, comarba Patraicc, cenn cleirech iartair tuaiscirt Eorpa uile, in .xx. anno principatus sui,i teirt non., .i. 3. nonis Iuin, Dia h-Aine ria Cincigis, in Christo quieuit. Amalgaid i comurbus Patraicc do reir tuaithi & ecailsi. {§H}
§
Eire dorog eitir,
in sechtmadh echtach abb adaim
xl.at iar creidim.
Finnloech m. Ruaidhri, ri Alban, a suis occisus est.
Aedh H. Innrechtaigh, ri H. Meith, do mharbad do Uib Niallain.