Kl. Ianair .u. f., l. xx.i. Anno Domini M.x.ix.
Alene mc. Osene rí Mughdorn, & Ossene H. Cadasaigh ri na Saitne, do marbad la Gailengu.
Ceall Dara uile do loscadh do theinidh di aitt.
Domhnall m. Mail Shechlainn, {folio & column H56ra} comarba Finnen & Mo Colmog, in Christo quiéuit.
Ardghar & Archu m. Mail Sechlainn m. Mael Ruanaid, da rigdamna Ailigh, a suis occisi sunt.
Gilla Coeimgin m. [gap: extent: 1 word], ridomna Laigen, a suis occisus est.
Mathgamain m. Conaing m. Duinn Cuan, ridomna Muman, do ecaibh.
Flaithbertach H. Neill do techt i Tir Conaill coro ort Tir n-Enna & Tir Lughdach.
Ruaidhri H. Ailellan, rí H. n-Echdach, do marbad la Firu Fernmhuighi. Ro marbtha immorro da mc. Ceinneitigh, .i. Conghalach & Gilla Muire ina dighail fo cetoir.
Eisce do thabairt do h-Uibh Caissein im Donnchad m. m-Briain coro tescadh a bos deas de.
Damh liac Dermaighi do brisiudh la Muirchertach H. Carraigh for Mael Muaidh, rí Fer Cell, & a thabairt as ar eigin & a marbad iarum.